Í skóginum…

….búa öll litlu skógardýrin.  Bambarnir, auðvitað, kanínur, fuglar og fiðrildi – og allir safnast núna saman á einum stað í herbergi heimasætunnar 🙂

Byrjum á byrjuninni, eða í rauninni endanum, því sem að ég fann í þeim Góða. Taaaaadaaaaaa…

…er það bara ég, eða er þessi ekki dásamlega fallegur?

…þessi yndislegi bleiki litur og hvað hann er svona “passlega sjúskaður”.  Luvs him ♥

…hann minnir náttúrulega á hinn bakkann sem ég fann líka í þeim Góða, nema að hann er með sægrænbláa litnum góða…

…en þar sem að þessi er svona bleikur þá er hann nú kjörinn á snyrtiborðið fallega (frá Húsi Fiðrildanna)…

…ramminn í glugganum er frá Ikea, en ég tók hvíta karton-ið og klæddi það í skrapppappír, en sjáið þið kertastjakann?…

…hann er alveg yndislegur, keyptur í Bahne í Köben, rétt fyrir jól…

…og já, hann er enn fallegri þegar að búið er að kveikja á kerti í honum…

…síðan þegar að horft er á gluggann í heild sinni…

…þá taka kannski glöggir eftir þessum tveimur fuglabúrum frá Söstrene Greenes, sem notuð í afmæli heimasætunnar endur fyrir löngu..

…ég setti þau reyndar upp um páskana

…en þau voru bara eitthvað svo obbalega krúttaraleg að þau hafa bara fengið að hanga áfram í glugganum, alveg hreint án þess að það votti á páskunum…

…nema þá kannske í litlu krúttaralega pastel páskaeggjunum sem að fá að vera áfram líka, en hver segir að maður geti ekki skreytt með pastellituðum eggjum á öðrum tíma en bara um páska?

…síðan gera lengjurnar náttúrulega voða mikið fyrir gluggann, og ég hreinlega festi bara búrin neðst í þær…

…síðan hef ég líka fest svona litla kristalla neðst, til þess að sólin útbúi litla regnboga inni hjá dömunni, henni þykir það sko ekkert leiðinlegt…

…en svona í alvöru, finnst ykkur stjakinn ekki yndislegur?

Hann er svona fööölbleikur, og með alls konar skógardýrum á…

…ungi litli…

…stundum liggur fegurðin í smáatriðunum…

…og eins og það sé ekki nóg um, þegar að búrin, bakkinn og bjútifúl kertastjakinn koma saman…

…þá bæti ég um betur og kynni ykkur hér með fyrir bamba litla…

…1, 2 og allir saman: awwwwwww.  Þessi er úr Húsgagnahöllinni og ég bara kolféll fyrir honum um leið og ég sá hann.  Það eru til alls konar týpur, hundar, kanínur og allir yndislegir ( Mars & More púðar, getið skoðað þá með því að smella hér)…

…ég get svo svarið það að ég á hugsanlega eftir að “stela” þessum fram í stofu um jólin 🙂

Eigið yndislega helgin krúttin mín, farið vel með ykkur og verið góð hvert við annað

♥ knúsar ♥